Көп берилүүчү суроолор

Көп берилүүчү суроолор2018-09-28T19:01:51+06:00

Кредиттер

FINCA Банктан кредитти канчалык тез убакытта алууга болот?2018-12-13T16:38:17+06:00

Жеке кредит берүү кызматынын алкагында бардык керектүү документтер даяр болгон учурда “Экспресс” кредитин 2-3 күн ичинде, “Микро” кредитин 4-5 күн убакыт ичинде алууга болот. Топтук кредитти дагы 2-3 күн убакыт ичинде алууга болот. Кредитти кыска убакыт ичинде каттоо жана алуу – бул FINCAдагы кредит берүүнүн негизги артыкчылыгы.

Эгерде менин башка компанияда кредитим бар болсо, сиздерден кредит ала аламбы?2018-12-13T16:38:01+06:00

Ооба, FINCA Банкынан кошумча кредит алсаңыз болот. Мындай кредитти алуу үч фактордон көз каранды: башка финансы кредит мекемесинен (ФКМ) алынган кредиттин төлөө мөөнөтү; башка ФКМдан алынган кредиттин суммасы; сиздин бизнесиңиздин абалы – бизнесиңиз бир учурда эки кредитти төлөөгө мүмкүндүк берген учурда.

Чоң суммада акча пайда болгон учурда кредитти мөөнөтүнөн мурда төлөөгө мүмкүнбү?2018-12-13T16:37:55+06:00

FINCA Банкта кредитти мөөнөтүнөн мурда төгүү каралган. Мөөнөтүнөн мурда төлөөдө кредиттин пайызы алынбайт.

Топтук кредит берүү деген эмне жана топ кандай принциптердин негизинде түзүлөт?2018-12-13T16:37:45+06:00

Топтук кредит алуу – бул аз кирешеге ээ болгон ишкерлер үчүн өзгөчө финансылык кызмат. Топтук кредитти алуу үчүн үч айдан ашуун иш жүргүзгөн, киреше алып келген бизнеске ээ болгон үч же андан көп адамдан турган топту түзүү керектелет. Топтун мүчөлөрүн кредит төлөөдө бири-бирине кепилдик берүүсү байланыштырып турат. Ошондуктан топтук кредит күрөөсүз берилет. FINCA Банкта кредитти кайтарып берүү мүмкүнчүлүгү дээрлик 99%. Бул топтун мүчөлөрү кредитти төлөөдө бири-бирин оңтойсуз абалда калтырбоого аракет кылышат, себеби алар көп учурда бизнес боюнча кесиптештер, кошуна же туугандар болуп эсептелет. 10-15 жыл бирге иштешкен топтор дагы бар жана алар топтук кредиттин натыйжасында бизнестерин ийгиликтүү түрдө өнүктүрүп келишет. Топтук кредиттин эң негизги өзгөчөлүгү – кредит алуунун жөнөкөйлүгү, б.а. топтук кредит алуу үчүн паспорт гана жетиштүү.

Менин бизнесим жок, бизнес ачуу үчүн сиздерден кердит алсам болобу?2018-09-28T14:13:31+06:00

Топтук кредит берүүнүн алкагында сиз бизнес баштоо үчүн 50 миң сомго чейин кредит ала аласыз. Бизнес баштоо үчүн берилген кредит тууралуу кененирээк маалымат “продукт жана кызматтар” бөлүмүндө берилген.

Бир жолку пайыз эмне үчүн кармалат?2018-12-13T16:37:38+06:00

Кредитти берүү учурунда бир ирет алынуучу кошумча пайыз кредит алуучу менен түзүлгөн кредит келишиминин шарттарында көрсөтүлөт жана кошумча пайыз кредит берүүчү тараптын (б.а. банктын) эч кандай милдеттенмеси жана кошумча кызматы жок, кредиттин суммасына карата алынат. Кошумча пайыздын алынуусу дисконт түрүндө алынган пайыздык киреше болуп эсептелет. Пайыздык кирешенин алынуу жана эсептелүү түрү (дисконт түрдө) Кыргыз Республикасындагы финансы уюмдарынын иш жүргүзүүсүндө салттуу болуп эсептелет. Ошондой эле Кыргыз республикасынын Жарандык кодексине ылайык келишимди түзүү үчүн тараптардын макулдугу керек. Кошумча пайыздын көлөмү банктын тариф боюнча комитети тарабынан белгиленет.

Кредит боюнча төлөмдөрдү кандай мезгилдүүлүк менен төлөө керек?2018-12-13T16:37:21+06:00

FINCA Банк кардардын бизнесинин түрүнө карата кредитти айлык же кварталдык түрдө төлөө графигин тандоо мүмкүнчүлүгүн берет. Мезгилдик бизнес абалында болсо кредитти төлөөдө өзгөрүлмөлүү графикти колдонууга болот. Эгер бизнес айыл-чарбага байланыштуу болсо, айдоо иштерине байланыштуу жеңилдиктер каралган. “Айыл” топтук кредитинде беш айга чейинки жеңилдиктер каралган. “Агро” жеке кредитинде сегиз айга чейинки жеңилдиктер бар.

Паспортумдун каттоосу Нарында, бирок бизнесимди Балыкчыда жүргүзөм. Жакынкы аралыкта бизнес баштоо үчүн Бишкек шаарына көчүп жатам. Менин Бишкек шаарынан кредит алууга мүмкүнчүлүгүм барбы?2018-12-13T16:37:05+06:00

FINCA Банктан каттоонун башка жерде болгонуна карабастан кредит алууга болот. Эгер бизнесиңизди жаңы жерде баштап жатсаңыз бизнесиңизди баштагандан 3 айдан кийинки убакытта кредит алсаңыз болот.

FINCA Банктан максималдуу канча суммада кредит ала алам?2018-12-13T16:36:55+06:00

Жеке кредит алуу кызматынын алкагында максималдык сумма – 2 миллион сом, топтук кредит алуу кызматынын алкагында 250 миң сомго чейинки суммада кредит алууга болот. Кредит алуу үчүн берилген арыздан кийин “Бизнести талдоо” процедурасынан өтүү керектигине көңүлүнүздөрдү бурабыз. Кредит адиси сиздин бизнесиңизди баалайт: товардык-материалдык запастын, жүгүртүүдөгү жана негизги каражаттын көлөмүн; күнүмдүк кирешени, бизнесиңиздин мезгилдик кирешесин эске алат. Сиздин арызыңыз жана бизнесиңиз тууралуу маалымат кредитти берүү жана анын суммасы боюнча чечим кабыл алган Кредиттик комитеттин кароосуна жөнөтүлөт. FINCA Банк кардарлардын кредитти оңой төлөөсү жана бизнесине коркунуч туудурбаган түрдө капиталын көбөйтүүсү үчүн кардарларынын бизнестерине ылайык болгон суммада кредит берет.

Эгер чакан бизнеске карабастан күрөөгө чоң суммадагы баага ээ болгон мүлктү коюу менен (мис.: үй) ири өлчөмдөгү кредит алууга мүмкүнбү?2018-12-13T16:36:45+06:00

FINCA Банктын методологиясына ылайык кардарларга алардын бизнесинин көлөмүнө ылайык суммадагы кредит берилет. Ошондуктан, эгер бизнес чакан болсо кредиттин суммасы дагы аз болот. Жеке кредит алууда күрөөгө коюлган мүлктүн баасы кредиттин суммасы менен барабар болушу керек. Бериле турган кредиттин суммасын аныктоодо күрөөгө коюлган мүлктүн баасы эмес кардардын бизнесиндеги жүгүртүүдөгү каражаттын суммасы чечүүчү болуп эсептелет.

Төлөм терминалдары

FINCA Банктын терминалдары кандай кызматтарды камтыйт?2018-12-13T16:36:39+06:00

FINCA Банктын төлөм терминалы азыркы учурда төмөндөгү кызматтарды аткарат: 1. FINCA Банктын учурдагы кредиттик төлөмдөрүн кабыл алуу, 2. Коммуналдык кызматтардын төлөмүн кабыл алуу, мобилдик операторлордун кызматын колдонуунун төлөмүн кабыл алуу ж.б. Көңүл буруңуздар! Терминал аркылуу мөөнөтүнөн мурда толук же толук эмес төлөм жүргүзүү мүмкүн эмес, төлөмдүн бардык суммасы кийинки төлөмдүн эсебине кирет.

Терминал аркылуу төлөөдө акча каражаттары канча мөөнөттө эсепке киргизилет?2018-12-13T16:36:32+06:00

17.00гө чейинки жүргүзүлгөн FINCA Банк кредитинин төлөмү ошол күнгө эсептелет. 17.00дөн кийин жүргүзүлгөн FINCA Банк кредитинин төлөмү кийинки күнгө эсептелет. Мобилдик операторлордун, интернет провайдерлердин, кабельдик/санариптик телекөрсөтүүлөрдүн төлөмү ошол учурга эсептелет. Коммуналдык сектордун төлөмү 3 иш күнүнүн аралыгына эсептелет.

FINCA Банк кредитин төлөө үчүн өзүм жөнүндө маалыматты кайдан билүүгө мүмкүн?2018-12-13T16:36:25+06:00

Бардык керектүү маалыматтар жазылган кардардын карточкасын алып жүрүүнү сунуштайбыз. Ошондой эле сиз жөнүндө бардык маалымат Кредит келишиминде жазылган. Башка учурларда “Коддук сөз” кызматын пайдалансаңыз болот. 44 00 кыска мобилдик номерине чалып, төлөм жүргүзүү үчүн кардардык ID, кредиттик эсептин номери, кредиттин балансы, азыркы учурдагы карыздын суммасы, кийинки төлөмдүн суммасы сыяктуу маалыматтарды алсаңыз болот.

Менин акчам терминалга такалып калган учурда же терминал өчүп калган учурда эмне кылуу керек?2018-12-13T16:36:17+06:00

Эгер сиз FINCA Банктын бөлүмүндөгү терминалды колдонсоңуз ресепшн кызматкерине кайрылыңыз. Эгер сиз FINCA Банктын тышындагы терминалды колдонсоңуз анда иш күндөрү 44 00 кыска номери аркылуу Маалымат борборуна, же эс алуу жана майрам күндөрү 0770 33 50 90 номерине чалууңуз керек.

FINCA кредити боюнча төлөм жүргүзүүдө ката кетирилген учурда эмне кылуу керек?2018-12-13T16:36:10+06:00

Эгер сиз FINCA Банктын бөлүмүндөгү терминалды колдонсоңуз, ресепшн кызматкерине же өзүңүздүн кредит экспертиңизге кайрылыңыз. Эгер сиз FINCA Банктын тышындагы терминалды колдонсоңуз, анда иш күндөрү 44 00 кыска номери аркылуу Маалымат борборуна, же эс алуу жана майрам күндөрү 0770 33 50 90 номерине чалууңуз керек.

Башка кызматтар боюнча төлөм жүргүзүүдө ката кетирилсе эмне кылуу керек?2018-12-13T16:36:03+06:00

Иш күндөрү 44 00 кыска номери аркылуу банктын Маалымат борборуна, же эс алуу жана майрам күндөрү 0770 33 50 90 номерине чалып төлөмдүн убагын/саатын, туура эмес реквизитти, туура реквизитти, терминалды, төлөмдүн суммасын айтууңуз керек. Төлөмдү эгер кабыл алынган төлөмдүн суммасы же анын бир бөлүгү туура эмес терилген же 2-3 символдон айырмаланган реквизит тарабынан колдонулбаган учурда кайтарып алууга болот.

Төлөм жүргүзүлдү, чек берилди, бирок, төлөм түшпөй калса эмне кылуу керек?2018-12-13T16:35:34+06:00

Иш күндөрү 44 00 кыска номери аркылуу банктын Маалымат борборуна, же эс алуу жана майрам күндөрү 0770 33 50 90 номерине чалууңуз керек.

Төлөм жүргүзүлсө, бирок чек берилбей калган учурда эмне кылуу керек?2018-12-13T16:35:41+06:00

Иш күндөрү 44 00 кыска номери аркылуу банктын Колл-Центрине, же эс алуу жана майрам күндөрү 0770 33 50 90 номерине чалууңуз керектелет.

FINCA Банктын терминалдар тармагынын ишинин сапаты боюнча сунуштарыңыз же эскертүүлөрүңүз барбы?2018-12-13T16:35:47+06:00

Иш күндөрү 44 00 кыска номери аркылуу банктын Колл-Центрине, же эс алуу жана майрам күндөрү 0770 33 50 90 номерине чалууңуз керектелет.